La universitato de Mons (Belgio) en oktobro donis tri doktorecojn pro honoro al personoj, kiuj laboras pri daŭripova socio. La plej fama sendube estas la sveda junulino Greta Thunberg [tunberj]. Kun ŝi ricevis la honorigon la franca eks-ministro, medi-aktivulo, verkisto kaj prezentisto Nicolas Hulot kaj la brita ekonomikisto Nicholas Stern, kiu laboras ankaŭ en la kampo de ekologio.

Thunberg ne ĉeestis la solenaĵon, sed dankis la universitaton en retfilmo pro la honoro. Laŭ la rektoro, profesoro Philippe Dubois, la universitato ŝuldas dankon al Greta pro la espero, kiun ŝi donas al la junularo de la tuta mondo. „Ŝi estas la ambasadoro de la konscienco”, diris la rektoro.

Paŭl PEERAERTS

korespondanto de MONATO en Belgio

Tiu ĉi teksto aperis en la presita kaj en la PDF-forma versioj de Monato en la jarkolekto 2019, numero 12, p. 13.

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Paŭl Peeraerts el MONATO (www.monato.be).

Lasta adapto de tiu ĉi paĝo: 2020-07-07