Lingvo

Jarmilo

Preskaŭ ĉiuj gazetoj en Esperantujo (ne nur, sed ankaŭ en la makrosocio) ekde la UEA-organo ĝis pli modestaj parolas pri la jarmilo komenciĝanta en la jaro 2000. Tio estas eraro. Ĉar ne ekzistis la jaro nulo, tial la unua jarmilo komenciĝas per la jaro unu kaj finiĝas per la jaro 1000. La jaro 2000 ne estas do la unua de la tria, sed la lasta de la dua jarmilo. En Japanio, tio estas komuna kono; estas mirige ke en la naskiĝloko de la komuna (tiel nomata kristana) erao tiu simpla fakto estas ignorata.