Jam nun Eŭropa Unio (EU) estas unu el la plej gravaj ekonomiaj regionoj de la mondo, ankaŭ laŭ nombro de aĉetpovaj civitanoj. Per aliĝo de pliaj landoj, precipe en la orienta parto de l' kontinento, plie kreskos ĝia graveco. Plej granda EU-lando estas Germanio, kie loĝas pli multaj homoj ol en la dek plej malgrandaj ŝtatoj kune. Unu el la problemoj ĉe reformado de EU-instancoj estos, kiel respekti la grandecojn de ŝtatoj, ekzemple ĉe la nombro de komisionanoj. En pli granda unio apenaŭ eblos, ke (kiel nun) ĉiu ŝtato rajtos je minimume unu membro en EU-komisiono.

Tiu ĉi teksto aperis en MONATO jarkolekto 2000, numero 06, p. 13.

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Globus el MONATO (www.monato.be).

Lasta adapto de tiu ĉi paĝo: 2023-04-25