Okulfrapan venkon de la konservativa Popola Partio (PP) ebligis la aŭstra popolo la 24an de novembro 2002. Ĝis tiu ĉi dato PP koaliciis kun Liberala Partio (LP), iam estrita de Jörg Haider [jerg hajda]: LP tamen draste ŝrumpis.
La rezulto jenas: Socialdemokrata Partio: 69 parlamentaj mandatoj (plus kvar kompare kun 1999); PP: 79 mandatoj (plus 27); LP: 19 mandatoj (minus 33); Verduloj: 16 mandatoj (plus du). Aliaj partioj restis sub unu elcento kaj ne ricevis parlamentajn mandatojn. La partoprenado estis kiel lastfoje 80,5 %.
Nova kaj malnova ĉefministro estas Wolfgang Schüssel [volfgang ŝisl] de Popola Partio.
| Indekso |
| Aboni al MONATO |
| Flandra Esperanto-Ligo (FEL) |
| Lasta adapto de tiu ĉi paĝo: junio 2019 |