Leteroj

Stranga komentario

Mi tre miris, kiam mi legis la komentarion de Jomo Ipfelkofer pri la teroratako kontraŭ Usono (MONATO 2003/12, p. 12). Estas mirige, ke MONATO elektis publikigi tiun ridindan konspiraĵon, kaj eĉ honorigi ĝin kiel ĉefan artikolon sur la kovrilo!

Antaŭ kelkaj monatoj mi legis, ke MONATO ricevas multe pli da artikoloj, ol ĝi povas publikigi. Publikigo de tiu strangaĵo estis insulto al la pli seriozaj kontribuantoj, kies artikolojn vi rifuzis.

Noto de la redakcia sekretario: Laŭ mia scio MONATO ne rifuzis artikolojn. Pro la granda alfluo kelkaj nur prokrastiĝis.