Leteroj

Hindeŭropaj etimoj

Mi kore gratulas kaj dankas al André Cherpillod pro lia majstra verko pri etimologio. Aparte interesas min la hindeŭropaj etimoj kaj ilia ĉeesto en la diversaj branĉlingvoj. Mi demandas min, ĉu André aŭ alia spertulo povus diri al mi, kio okazis al la etimo sanskrita pitr (patro) en la slavaj lingvoj? Oni konservis ĝin en la plimulto de la ceteraj hindeŭropdevenaj lingvoj, sed mi ne povas trovi ĝin en la rusa.