Antaŭ 391 jaroj en la urbo Mannheim okazis la unuan fojon Markt. Tiu ĉi foiro komence de majo fariĝis tradicio, kaj la dato estas nun fiksita ne nur en la kalendaro de la urbo, sed ankaŭ en tiu de la ĉirkaŭa triangula regiono de la riveroj Rejno kaj Nekaro.
En 2004, inter la 24a de aprilo kaj la 4a de majo, la foiro prezentis enrigardon en la komercon kaj la kulturon de la regiono. Aldoniĝis ekspozicioj pri firmaoj kaj institucioj kaj pri loka turismo. Altiris vizitantojn ankaŭ tendegoj kun diversaj restoracioj. Programo kun politikistoj kaj aliaj steluloj pliriĉigis la foiron.
Interesaj estis apartaj programeroj. Ekzemple, kadre de MMM (germanaj inicialoj de Mai-Markt Mannheim, Manhajma Maja Foiro) okazis la „manhajma ĉevala semajno” kun prijuĝoj kaj konkursoj; ankaŭ inaŭguriĝis satelita elsendado de la regiona radio RNFplus (aŭdebla ĉe Astra Digital 19,2o Ost / Premiere-Bouquet). La foiro, la plej granda regiona en Germanio, altiris proksimume 1500 ekspoziciantojn kaj pli ol 400 000 vizitantojn.
| Indekso |
| Aboni al MONATO |
| Flandra Esperanto-Ligo (FEL) |
| Lasta adapto de tiu ĉi paĝo: julio 2004 |