En julio 2004 kunveno en Dublino unuanime aprobis proponon, ke la irlanda registaro petu agnoskon pri la irlanda (gaela) lingvo kiel aldona laborlingvo de Eŭropa Unio (EU). Ĝis nun Irlando kaj Luksemburgo estas la solaj membro-ŝtatoj de EU, kiuj ne insistis, ke ilia unua oficiala lingvo estu inkluzivita inter la laborlingvoj de la unio.
En Irlando la escepta situacio de la gaela ĝenis tiujn, kies denaska lingvo estas la irlanda. Akriĝis la debato pri la statuso de la lingvo, tamen, kiam EU akceptis la nacian lingvon de Malto, kies loĝantoj, kiel la irlandanoj, scipovas la anglan kaj (oni povus argumenti) egale kapablas uzi ĝin en la Eŭropa Parlamento kaj aliaj instancoj de la unio.
| Indekso |
| Aboni al MONATO |
| Flandra Esperanto-Ligo (FEL) |
| Lasta adapto de tiu ĉi paĝo: septembro 2004 |