La temo treege gravas kaj ŝajnas esti ridinde atentigi la redaktoron pri tre eta detalo. Trifoje en la artikolo Stefan aludas al prezidanto Bush anstataŭ al „prezidento” Bush. Ni certe devus distingi inter ŝtatestro kaj iu persono, kiu nur prezidas aferon.

Koncerne la vorton „kancelierino” (2006/1, p. 5) (kiu laŭ mi facile prononceblas), oni ĉiam supozis, ke se la sekso de persono estas memklara, la in-sufikso superfluas. Angie certe fierus pri la senseksa titolo „kanceliero”.

Vilĉjo SIMCOCK

Britio

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Vilĉjo Simcock el MONATO (www.monato.be).

Lasta adapto de tiu ĉi paĝo: 2019-04-17