Bedaŭrinde mia avino forpasis antaŭ mia naskiĝo kaj do mi neniam propraokule vidis ŝiajn piedetojn. Tamen antaŭ monato mi aĉetis aŭton kaj kun mia filineto vizitis 92-jaraĝan onklinon, kiu same estas piedetulino. Ŝiaj piedoj longas malpli ol 20 cm.

Antaŭ la establiĝo de la Ĉina Popola Respubliko tiamaj knabinoj devige haltigis la kreskadon de siaj piedoj. Ekde la 6-jara la piedoj estis vinditaj. Dum pli ol dumil jaroj en Ĉinio tiel suferis grandnombre knabinoj, kaj unu el tiuj estas mia onklino.

Oni ne bone komprenas la kialon. Supozeble oni kredis, ke knabinoj kun malgrandaj piedoj pli belas kaj pli facile edziniĝas. Tamen la nova Ĉina Popola Respubliko tuj malpermesis la kutimon kaj tiel liberigis knabinojn de malfeliĉo.

XU Jinming/pg

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Xu Jinming/pg el MONATO (www.monato.be).

Lasta adapto de tiu ĉi paĝo: 2020-07-07