La litova ministro pri eksterlandaj aferoj ricevis strangan leteron. Sendis ĝin skoto, loĝanta en Aŭstralio, kiu deklaras sin reĝo Roman la 2a de Litovio.

La „reĝa” retejo informas, ke la skoto fariĝis reĝo antaŭ kvin jaroj kaj en 2008 estis kronita en la aŭstralia urbo Darwin. Ŝajnas, ke la pretendanto, laŭnome Ronald Victor Charles Mann, naskiĝis en 1942 en Edinburgo, Skotlando. Li heredis la tronon de sia patro, princo Roman la 1a, kiu mortis en 1967.

Verŝajne temas pri provo riĉiĝi. Mann vendas titolojn de nobeloj, kiuj eĉ neniam ekzistis en Litovio.

LAST

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de last el MONATO (www.monato.be).

Lasta adapto de tiu ĉi paĝo: 2020-07-07