Evidentiĝis lastatempe, ke la fizikisto Albert Einstein en 1931 akiris albanan pasporton. Ne povante uzi germanan pasporton, pro sia juda deveno, Einstein verŝajne uzis la albanan, antaŭ ol li akiris svisan en 1932. Per la svisa li alflugis Usonon.

Jam en la 1920aj jaroj la Ligo de Nacioj planis krei tiel nomatan rezervujon por judoj en la nova balkana ŝtato Albanio. Tial Einstein korespondis kaŝe kun la albana konsulejo en Leipzig kaj poste alvenis sekrete al la albana ĉefurbo Tirano, kie li pasigis tri tagojn. La pasporton liveris fakte la urbodomo en la sud-orienta urbo Pogradec.

Bardhyl SELIMI/pg

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Bardhyl Selimi/pg el MONATO (www.monato.be).

Lasta adapto de tiu ĉi paĝo: 2020-07-07