Protestis nepagataj pilotoj de la albana flugkompanio Albanian Airlines, flugante en januaro en aviadilo el la ĉefurbo Tirano ne al ĝia celo en Bologna, sed al Bratislavo. Ekde oktobro la slovakaj pilotoj ne estis salajrataj.

La albana ambasadoro en Vieno tuj provis tranoktigi la 111 pasaĝerojn, kaj la albana civila aviado-organizaĵo luis aviadilon el Amsterdamo, kiu du tagojn poste venigis ilin al Bologna. Atendate estas, ke la instancoj en Bratislavo procesos kontraŭ la pilotoj.

Bardhyl SELIMI

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Bardhyl Selimi el MONATO (www.monato.be).

Lasta adapto de tiu ĉi paĝo: 2020-07-07