Christine Théano estas unu el la multaj, kiuj perdis familianojn kaj sian tutan havaĵon en Haitio. La muroj de ŝia domo kolapsis kaj ŝi vivas surstrate. Ŝi skribis: „Ni havas akvon, sed ricevi alian helpon ne estas facile, ĉar estas multe da personoj kaj foje ili batas unu la alian por havi nutraĵojn. Mi ne havas rekte adreson por ricevi vestaĵojn kaj manĝaĵojn, ĉar la familia domo, kie mi vivis, tute falis.” Christine volas rekonstrui sian domon en la venontaj monatoj.

Simila estas la situacio ĉe la aliaj Esperanto-parolantoj en Portoprinco. La plimulto postvivis kaj provas reorganizi sian vivon, komenci denove, ekde nulo.

Se vi volas helpi al Christine kaj al ŝia Esperanto-amikaro, pagu iun ajn sumon al unu el la kontoj de Flandra Esperanto-Ligo (vidu p. 4) kun la mencio "Haitio". Tre koran dankon ilianome!

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de el MONATO (www.monato.be).

Lasta adapto de tiu ĉi paĝo: 2020-07-07