Vieno, antaŭ gimnazio, februaron 2010. Instruisto forlasas la lernejon. Apud li haltas eleganta aŭto itala kaj elaŭtiĝas italo eleganta. Li demandas pri la vojo al la suda aŭtoŝoseo.

La italo estas, kiel li asertas, kunlaboranto de la konata firmao Armani, kiu produktas altkvalitajn kaj multekostajn vestaĵojn. Bedaŭrinde li perdis sian monon en kazino. Ĉu la instruisto povus doni monon por aĉeti benzinon por la reveturo al Romo?

La instruisto hezitas. La italo havas tri originalajn jakojn de Armani, originale pakitajn. Ili kostus nur 120 eŭrojn. La instruisto donas 100. Pli li ne havas.

Farite! Eleganta viro helpis elegantan viron! Oni ja volonte helpas. Nur poste la instruisto vidas, ke la jakoj estas nur lertaj falsaĵoj. Li perdas 70 eŭrojn. Kaj ne nur en Vieno laboras italaj bubaĉoj tiaj.

Walter KLAG

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Walter Klag el MONATO (www.monato.be).

Lasta adapto de tiu ĉi paĝo: 2020-07-07