Estas pli ol evidente, ke la kvantumteorio kaj la relativecteorio ankoraŭ plene aplikeblas, same kiel la leĝoj de Newton (responde al Bruce Sherwood, MONATO 2010/4, p. 6)! Se ne, oni devus fermi la pliparton el la laboratorioj pri mikrofiziko kaj la uzinojn, kiuj okupas sin pri spacveturado aŭ artefaritaj satelitoj. Kion mi ja celas, estas, ke ambaŭ teorioj perdis sian validecon kiel definitiva paradigmo, kaj ke nova paradigmo, pli ampleksa kaj enprena, ol la antaŭa, nun necesas. Ĝuste tion mi provas demonstri en mia Teorio pri ĉio en Interreto. Mi invitas la estimatan Bruce spekti ekzemple la dokumentan filmon Who's afraid of a Big Black Hole? (Kiu timas grandan nigran truon?) en la televida serio Horizon de BBC, kie parolas kolegoj liaj kun pli da prestiĝo, ol povra mi.

Manuel HALVELIK

Belgio

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Manuel Halvelik el MONATO (www.monato.be).

Lasta adapto de tiu ĉi paĝo: 2020-07-07