En MONATO 2010/4, p. 15-17, Jean Pierre VandenDaele mencias la satelite kapteblajn radio- kaj televid-staciojn. Li bone mencias dekojn da ili, sed strange, li tute ne mencias tiujn albanlingvajn, kiuj kovras jam teritorion kaj loĝantaron (almenaŭ sepmilionan), ne malpli ol tiu de la ceteraj balkanaj landoj. Temas pri pluraj tutlandaj kanaloj kiel TOP Channel, KLAN, VIZION PLUS, RTSH, en Albanio; RTK, RT21, KLAN KOSOVA en Kosovo; ALSAT en Makedonio kc. Ĉu li ankoraŭ ne scias, ke la albana estas unu el la kvin ĉefaj lingvoj de la malnova kontinento?

Bardhyl SELIMI

Albanio

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Bardhyl Selimi el MONATO (www.monato.be).

Lasta adapto de tiu ĉi paĝo: 2020-07-07