Kiam partoprenanto en la albana versio de la televida programo „Granda Frato” malkaŝis sian samseksemon, montriĝis la tradicia publika opinio albana. La sekvan tagon en lia romkatolika naskiĝurbo Lezhë [leĵe], manifestaciis 400 gejunuloj kontraŭ la samlokano, kiu „detruis” la bonan impreson pri sia komunumo.

Aliflanke defendis la sinjoron ne nur homrajtaj neregistaraj organizaĵoj, sed ankaŭ la ambasadoroj de Usono, Germanio kaj Nederlando. Lastjare la albana registaro, kadre de la kondiĉoj por eniri Eŭropan Union, aprobis leĝon por protekti samseksemulojn.

Bardhyl SELIMI

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Bardhyl Selimi el MONATO (www.monato.be).

Lasta adapto de tiu ĉi paĝo: 2020-07-07