Leteroj

Ĉu satanisto povas administri ekleziojn? (3)

Mi miras pri la kuriozaj asertoj de Vinko Ošlak (MONATO 2010/4, p. 6), ke „la ateisma, rekte satanisma aŭ katolika religioj ... troviĝas samdistance de la vera kristana kredo kaj ... efektiva novnaskiĝo”! Unufraze li (impone!) insultas kaj ateistojn kaj katolikojn (mi lasos al iu alia komenti pri la satanistoj). Unue pri ateismo: ateismo ne estas religio. Nekredo en dio ne estas religio, same kiel nekredo en fantomoj aŭ nekredo en nevideblaj rozkoloraj unukornuloj ne estas religio. Due pri katolikoj: postuli „novnaskiĝon” kiel parton de „la vera kristana kredo” ŝajnas tre arogante – certe ekzistas milionoj da kristanoj (kaj katolikoj, kaj aliaj), kiuj ne sekvas la saman mallarĝan kristovojon, kiel Vinko Ošlak, kaj mi mem ne aŭdacus juĝi ilin kiel malverajn kristanojn, nek aserti, ke katolikoj (el kiuj multaj serioze legas la Biblion) samdistancas de la Biblio kiel ateistoj (kiujn kutime ne interesas la Biblio), simple pro nesekvo de iu mallarĝa specifa doktrinero (kaj mi dubas, ke Jesuo mem estus tiom malakceptema pri la multegaj diversaj kristanoj en la mondo). Iuj „veraj” kristanoj ŝajnas pli malakceptemaj al aliaj „neveraj” kristanoj, ol multaj nekristanoj ŝajnas esti ...