Leteroj

Ne la plej alta

Mi dankas al Mireille Grosjean pro la interesa artikolserio pri Svislando, sed mi ŝatus unue montri mian bedaŭron, ke ŝi preterlasis la plej konatan econ de tiu lando, nome ĝian utilon al tutmondaj riĉuloj por kaŝi sian monon. Kaj due mi deziras kontesti la aserton, ke La Chaux-de-Fonds estas la plej alte situanta granda urbo de Eŭropo. Iom pli da loĝantoj kaj iom pli da alteco havas Avilo (Ávila). Pli-malpli similajn altecon kaj loĝantaron prezentas Sorio (Soria) kaj Segovio (Segovia). Kvankam ĉiuj tri diritaj hispanaj urboj estas ĉe ni taksataj kiel urbetoj, ili ja estas ĉefurboj de la respektivaj provincoj. Mi ĵuras, ke mia reago tute ne rilatas al la fakto, ke mi naskiĝis en Segovio.