Leteroj

Ĝojiga artikolo

Via artikolo Virinoj: kontraŭ militoj kaj torturoj de Françoise Zawadi (MONATO 2020/05, p. 10-11 (2020/012648.php)) vere ĝojigis min! Imagu: mi konatiĝis kun ŝia edzo, Hubert N'Tawu, en 1987, kiam tiu junulo estis rifuĝinto en Tanzanio pro la fi-policanaro de la tiama prezidento Mobutu. Poste li revenis al sia urbo Rutŝuro. Iom post iom niaj rilatoj fariĝis ne nur perkorespondaj, sed vere plej-fide amikecaj. Hubert enkondukis Esperanton en sian regionon, nordan Kivuon.