Noticoj
Mirinfano
En la universitato de Antverpeno 11-jara knabo sukcesis akiri sian bakalaŭrecon pri fiziko. Pluraj ĵurnaloj anoncis ĉi tion, kaj la universitato konfirmis la novaĵon. La knabo, Laurent Simons el Ostendo, bezonis nur unu jaron por fini kurson, kiu kutime daŭras tri jarojn, kaj atingi la diplomon. Samtempe li jam sekvis kelkajn magistrajn kursojn.
De kelka tempo oni scias, ke Simons estas „mirinfano”. En aĝo de ok jaroj li akiris sian duagradan diplomon en Bruĝo (kion mezuma infano atingas je aĝo de 12). Antaŭ kelkaj jaroj li jam sekvis bakalaŭrajn studojn en la Teknologia Universitato de Eindhoven en Nederlando.
La knabo atingis la bakalaŭran diplomon „kun la plej alta distingo”. En la venonta universitata jaro Simons oficiale komencos la magistran programon, pri kiu li jam sekvis kelkajn kursojn. Li ankaŭ jam planas doktoriĝi.
| Tiu ĉi teksto aperis en la presita kaj en la PDF-forma versioj de Monato en la jarkolekto 2021, numero 10, p. 14. |
|
Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton:
Artikolo de pp el MONATO (www.monato.be). Lasta adapto de tiu ĉi paĝo: 2021-09-06 |