Leteroj

Bruno Gröning (3)

Temas pri interesa debato, kiu ekzistas ankaŭ en aliaj Esperanto-gazetoj. Ĉu preferindas, ke redaktoro/redakta teamo havu klaran ideologian/politikan/etikan linion aŭ ĉu plej bone lasi al la plenkreskula legantaro mem interpreti laŭ sia propra vidpunkto la publikigitan artikolojn/anoncojn ktp. La solvo de tiu debato malfacilas. Fojfoje abonantoj povas argumenti, ke ili rajtas publikigi ion ajn laŭ sia bontrovo. Aliaj povas tamen respondi, ke bedaŭrinde ne ĉiu leganto kapablas legi kritike, kaj tial redaktoro devus tion ĉiam konsideri. La redakta decido nepre difinos, kian revuon ĝi eldonas.