LeterojArĝenta medaloLa olimpiaj ludoj finiĝis la 8an de aŭgusto. Mi spektis multajn interesajn ludojn en televido, ekzemple tablo-tenison, rultabuladon, karateon kaj ĵudon. La plej interesa sporto por mi estis virina basketbalo. Unue neniu pensis, ke la teamo de Japanio havos bonan rezulton, ĉar averaĝe ĝi estis la due malplej alta inter la 12 teamoj. Sed la ĉefdirektoro Hobas diris: „Ni gajnos oran medalon”. Li estas usonano, kiu debutis en Japanio kaj fariĝis fama ludanto. Li poste revenis al Usono kiel ludanto en NBA1, do, li scias bonajn kaj malbonajn aferojn pri teamoj usonaj kaj japanaj. Li kreis japanan stilon, kiun karakterizas rapidaj movoj kaj tripoentaj ĵetoj. En iu matĉo en la tokiaj ludoj la japana teamo sukcesis tripoentajn ĵetojn je 49 %. La teamo finfine gajnis arĝentan medalon. En la sekvaj okazoj la teamo gajnos oran medalon, espereble en Parizo. FUĴISAŬA Toŝihito
1. NBA, mallongigo de National Basketball Association, la landa basketbala asocio de Usono. (red.)
|
