Libroj

Pri Kroatio itale

Jam en 1995 aperis en MONATO recenzo pri Kroata milita noktlibro, unu el la plej popularaj verkoj de Spomenka Štimec. La detaloj pri la milito, kiun ŝi priskribas, kaj kiu postlasis tiom da vundoj – ni pensu nur pri Vukovar, Prijedor, Sarajevo – iom post iom forflosas el la memoro. Sed simile stultaj kaj kruelaj militoj ripetiĝas diversloke en la mondo. La temo restas do triste aktuala kaj i.a. pro tio eldonejo Edistudio nun eldonis italan tradukon de la verko de Štimec: Taccuino notturno della guerra croata.

Spomenka Štimec: Taccuino notturno della guerra croata. El Esperanto tradukis Fulvio Paccagnella. Eld. Edistudio, Pisa, 2021. 96 paĝoj, kudre bindita. ISBN 978-88-7036-816-1.