Leteroj

Kuraĝo

Mi deziras saluti la kuraĝon de la legantino, kiu al MONATO sendis paĝojn el sia taglibro (MONATO 2022/08-09, p. 3 (2022/013172.php)) Mi salutas ankaŭ la similan kuraĝon de tiuj bonaj samlandanoj ŝiaj, kiuj, kiel ŝi, protestas kontraŭ la teruraj krimoj, kiuj aktuale okazas en ilia frata lando. Samtempe mi laŭdas la redaktejon de MONATO pro la publikigo de tiu informriĉa kaj valora kontribuaĵo. Pli mi ne komentos, ĉar mi ne volas endanĝerigi ŝin, nek ŝiajn fidelajn konatojn.